image_2024-06-21_10-57-18 (3)

ኮሚሽኑ በትግራይ የስደተኞች መጠለያ 5,500 ሰዎችን የሚጠቅም የ22.6 ሚሊዮን ብር የአስቸኳይ ጊዜ የእርዳታ ፕሮጀክት ጀመረ


የኢትዮጵያ ቃለ ሕይወት ቤተ ክርስቲያን ልማት ኮሚሽን ከትግራይ ቃለ ሕይወት ቤተ ክርስቲያን ጋር በመተባበር በትግራይ ክልል በመቐለ ከተማ 70 ካሬ ተብሎ በሚጠራው የስደተኞች ጊዜያዊ መጠለያ ከተለያዩ የክልሉ አካባቢዎች በጦርነት ምክንያት ተፈናቅለው የሚገኙ 5500 ተፈናቃዮች ለመደገፍ የ22.6 ሚሊዮን ብር አስቸኳይ እርዳታ ፕሮጀክት ሰኔ 11/2016 በመቐለ ከተማ በዘማሪያስ ሆተል ጉዳዩ የሚመለከታቸው የክልሉ የመንግሥት የሥራ ኃላፊዎች በተገኙበት አስጀመሮል፡፡


በፕሮጀክቱ መክፈቻ ላይ ንግግር ያደረጉት የኢትዮጵያ ቃለ ሕይወት ቤተ ክርስቲያን ልማት ኮሚሽን ኮሚሽነር ዶ/ር ተፈራ ተሎሬ ፕሮጀክቱ ሰብአዊነትን ብቻ መሰረት ያደረገ እና የህብረተሰቡን ችግሮች ለመፍታት የሚሰራ ነው ብለዋል።


ዶ/ር ተፈራም የኢትዮጵያ ቃለ ሕይወት ቤተ ክርስቲያን ልማት ኮሚሽን ከተመሰረተ ከግማ ክፍለ ዘመን በላይ መቆየቱንና ጦርነት በክልሉ ያስከተለው ጉዳት ቀላል እንዳልሆነ ገልጸው ልማት ኮሚሽኑም በዝህ ፕሮጀክት ተጎጂ የሆኑ ማህበረሰብ ከጉዳቱ እንዲያገግሙ ይረዳል ብለዋል። ለአምስት ወራት የሚቆየው ይህ ፕሮጅከት 5,500 ሰዎችን ተጠቃሚ የሚያደረገ ስሆን ከ22 ሚሊዮን ብር በላይ ፈሰስ እንደሚደረግ ገልጽዋል፡፡ የኢትዮጵያ ቃል ህይወት ቤተክርስቲያን ልማት ኮሚሽን እና የትግራይ ቃል ሕይወት ቤተክርስቲያን በተዘጋጀው የምክክር መድረክ በትናንትናው ዕለት ፕሮጀክቱ የተጀመረ ስሆን MPC ፕሮጀክት ከትግራይ ህዝብና መንግስት ጋር አብሮ ለመስራት ዝግጁ ነው።


የትግራይ ቃለ ሕይወት ቤተክርስቲያን ዋና ጸሃፊ አቶ እዮብ አድነው እንደተናገሩት ፕሮጀክቱ ለተፈናቀሉ ወገኖች የገንዘብ ድጋፍ ለማድረግ ያለመ ነው። የተፈናቀሉ ዜጎች ጉዳይ የእያንዳንዱ የትግራይ ተወላጆች አጀንዳ በመሆኑ ዘላቂ መፍትሄው ወደ ቄያቸው እንድመለሱ ማድረግ ብቻ ነውም ብለዋል።


በኢትዮጵያ ቃለ ሕይወት ቤተ ክርስቲያን ልማት ኮሚሽን የአስቾኳይ እርዳታና መልሶ ማቋቋሚያ ፕሮግራም የሰበዓዊ ድጋፍ ፕሮጀክት አስተባባሪ አቶ አብርሃም አለምቦ እንደገለፁት መድረኩ ዕርዳታው ለሚመለከታቸው አካላት እንዲደርስ ለማድረግ ያለመ ነው። ወደ ቦታቸው የሚመለሱበትን ሁኔታ ለመፍጠርም መስራት እንደሚገባም አክለዋል።

Tags: No tags

Add a Comment

Your email address will not be published. Required fields are marked *